Toliblar Afg‘onistonning yangi hukumatini e'lon qilishni kechiktirdi

Zabihulla Mujohidning so‘zlariga ko‘ra, toliblar bo‘lajak hukumatda afg‘on jamiyatining barcha guruh va qatlamlari bo‘lishini ta'minlashga harakat qilmoqda.

Foto: Reuters

"Tolibon" harakati Afg‘onistonning yangi hukumatini e'lon qilish muddatini kechiktirdi, deb xabar berdi The Times of India.

"Yangi hukumat va vazirlar mahkamasi a'zolari kelasi haftada e'lon qilinadi", - dedi toliblar vakili Zabihulla Mujohid.

O‘z navbatida, "Tolibon" tuzgan qo‘mita a'zosi Xalil Haqqoniy toliblar hukumatni o‘zlari tuzishlari mumkinligi, ammo buni "dunyo qabul qilmasligi"ni aytdi. Uning so‘zlariga ko‘ra, toliblar bo‘lajak hukumatda afg‘on jamiyatining barcha guruh va qatlamlari bo‘lishini ta'minlashga harakat qilmoqda.

Shuningdek, u Afg‘onistonning sobiq prezidenti Gulbiddin Hikmatyor va Ashraf G‘anining ukasi Xashmat G‘ani yangi hukumat tarkibidan o‘rin olishini aytdi.

Tayyorlagan: Дилшод Аскаров

#Afg‘oniston #Tolibon