Qashqadaryoda Nexia boshqaruvni yo‘qotib jarlikka quladi

Qashqadaryo viloyati Dehqonobod tumanida Nexia mashinasi boshqaruvni yo‘qotib jarlikka qulagan. Bu haqda Kun.uz manbasi xabar bermoqda.

Manbaning ma'lum qilishicha, bugun 5 sentabr kuni tonggi M39 Almati-Toshkent-Termiz xalqaro avtomobil yo‘lining Qashqadaryo viloyati Dehqonobod tumanidan o‘tuvchi 1283-kilometrida yo‘l-transport hodisasi sodir bo‘lgan.

Mazkur yo‘lda harakatlanib kelayotgan Qashqadaryo viloyatida yashovchi shaxsga tegishli Nexia mashinasi boshqaruvni yo‘qotib 15 metr chuqurlikdagi jarlikka qulagan.

Kun.uz manbasiga ko‘ra, mazkur yo‘l-transport hodisasiga Nexia mashinasi yuqori tezlikda harakatlangani sabab bo‘lgan. Hodisa oqibatida hech kim vafot etmagan. Haydovchi tan jarohatlari olgan.