Shvetsiyada 12-15 yoshli o‘smirlarni koronavirusga qarshi emlashga ruxsat berildi

Ma'lumotlarga ko‘ra, Shvetsiyada 16 yoshdan katta aholining 80 foizi vaksinaning bir dozasini, qariyb 75 foizi esa har ikki dozasini olgan.

Shvetsiya bosh vaziri Stefan Lyoven mamlakatdagi 12-15 yoshli o‘smirlarni koronavirusga qarshi emlash boshlanishini e'lon qildi.

“Bu kasallikning og‘ir kechishi va maktabdan qolib ketishingizning oldini oladi”, – dedi u.

Ma'lumotlarga ko‘ra, Shvetsiyada 16 yoshdan katta aholining 80 foizi vaksinaning bir dozasini, qariyb 75 foizi esa har ikki dozasini olgan.

Yevropa regulyatori 12 yoshdan katta o‘smirlarni Pfizer/Biontech va Moderna kompaniyalari vaksinalari bilan emlashga ruxsat bergan. Avvalroq Fransiya, Germaniya, Ispaniya, Italiya va Portugaliyada o‘smirlarni koronavirusga qarshi emlashga ruxsat etilgandi.

Worldometers sayti ma'lumotlariga ko‘ra, Shvetsiyada koronavirus yuqtirish bilan bog‘liq 1,1 mlndan ortiq holat qayd etilgan, 14,7 mingdan ziyod bemor vafot etgan.