Afg‘oniston Ta'lim vazirligi erkak o‘qituvchilar va o‘quvchilarni maktablarga qaytishga chaqirdi

Afg‘onistonning yangi tashkil etilgan Ta'lim vazirligi erkak o‘qituvchilar va o‘quvchilarni maktablarga qaytishga chaqirdi, deb xabar berdi Associated Press.

Vazirlikning ta'kidlashicha, 6–12-sinflarda o‘qiydigan barcha o‘g‘il bolalar hamda erkak o‘qituvchilar 18 sentyabrdan maktablarga qaytishi shart.

Xabarda istiqbolda qizlarning maktablarda o‘qishi borasida hech qanday ma'lumot berilmagan.

Afg‘oniston ta'lim tizimida birinchidan oltinchigacha bo‘lgan sinflar boshlang‘ich, oltinchidan o‘n ikkinchigacha bo‘lgan sinflar o‘rta sinflar hisoblanadi.