09:59 / 11.10.2021
9302
Тошкентда 5та автомобил иштирокида ЙТҲ содир бўлди
Фото: ЙҲХББ

Ижтимоий тармоқларда Тошкент шаҳрининг Мирзо Улуғбек туманида 5та автомобиль олдинма-кетин тўқнашгани тўғрисида маълумот тарқалди. ИИВ ЙҲХББ ҳолат бўйича расмий хабар берди.

Қайд этилишича, жорий йилнинг 11 октябрь куни соат 07:45ларда, Тошкент шаҳар, Мирзо Улуғбек тумани, Мустақиллик шоҳкўчасида, "Пушкин" метро бекати яқинида оралиқ масофани сақламаслик оқибатида йўл-транспорт ҳодисаси юз берган.

Маълум қилинишича, "Captiva", "Vaz-2106", "Lacetti", "Cobalt" ва "Spark" русумли автомобиллар олдинма-кетин тўқнашган. Тўқнашув натижасида тан жароҳати олганлар йўқ. 

Мазкур ЙТҲ юзасидан Тошкент шаҳар ИИББ ЙҲХБ ходимлари томонидан суриштирув олиб борилмоқда.

Top