Foto: RIA Novosti
Xitoy hukumati Tayvan mustaqilligi tarafdorlariga Xitoyning qit'adagi qismiga hamda mamlakatning maxsus hududlari Hongkong va Makaoga kirishni taqiqlaydi. Bu haqda Xitoy davlat kengashida Tayvan masalalari bo‘yicha devonxona vakili Chju Fenlyan ma'lum qildi.
“Xitoy o‘z qonunlariga ko‘ra Tayvan mustaqilligining “ashaddiy” tarafdorlariga intizomiy choralar qo‘llaydi, ularga va ularning oila a'zolariga mamlakatning qit'adagi qismiga va maxsus ma'muriy hududlari bo‘lgan Hongkong va Makaoga kirishni taqiqlaydi”, deb aytgan amaldor.
Bundan tashqari, bunday toifadagi odamlarga Xitoydagi tashkilotlar yoki xususiy korxonalar bilan hamkorlik qilish va daromad olish taqiqlanadi. Pekin, shuningdek, ularni jinoiy javobgarlikka tortishni rejalashtirmoqda.
