Braziliya Kolumbiyani mag‘lub etib, Janubiy Amerikada birinchi bo‘lib mundial yo‘llanmasini qo‘lga kiritdi

Braziliya o‘z maydonida Kolumbiyani qabul qilib, Paketaning yagona goli evaziga g‘alaba qozondi va KONMeBOLda birinchi bo‘lib Qatarda o‘tadigan mundial yo‘llanmasini qo‘lga kiritdi. 34 ochkoga ega «pentakampeonlar» saralash yakuniga 5 tur qolganida 2-o‘rindagi Argentinadan 9, 5-pog‘onadagi Kolumbiyadan 18 ochkoga o‘zib ketishgan.

Shuningdek, tur doirasida Chili Paragvayni, Ekvador Venesuelani minimal hisobda yengdi. 

Peru — Boliviya (3:0) bahsi davom etmoqda. Turning so‘nggi o‘yinida 13 noyabr kuni Urugvay Argentinani qabul qiladi.

JCh-2022 saralashi. Janubiy Amerika
13-tur. 12 noyabr
Braziliya — Kolumbiya 1:0
Gol: Paketa (72). 
Braziliya – Alisson, Sandro, Danilo, Markinos, T.Silva, Kazemiro, Paketa (Fabino, 86), Fred (Vinisius, 46), Rafinya (Antoni, 64), Neymar, Gabriel Jyezus (Kunya, 64). 
Kolumbiya – Ospina, Tesilo, Moxika (Kuelyar, 55), Sanches, Kuadrado, Lerma, Barrios (Muriel, 78), Dias (Martines, 66), Moreno, Munos (Xames, 78), Sapata (Borxa, 66).

Paragvay — Chili 0:1
Gol: Silva (56, avtogol). 
Paragvay – Silva, Roxas (Eskobar, 73), Alonso, Martines, Gomes, Morel, Roxas, Almiron (Romero, 84), Vilyasanti (Romero, 64), Sanabriya (Gonsales, 64), Romero (Samudio, 73). 
Chili – Bravo, Roko, Mena (Suaso, 85), Maripan, Valdes (Alarkon, 78), Medel (Serralta, 67), Baesa, Nunes, Vidal (Vargas, 84), Brereton, Sanches.

Ekvador — Venesuela 1:0
Gol: Inkapie (41).
Ekvador – Dominges, Inkapie, Krus (Arboleda, 86), Kastilo, Torres, Grueso, Presiado (Koroso, 64), Plata (Roxas, 86), Kaysedo, Reaskos (Kaysedo, 64), Sarmiyento (Franko, 76). 
Venesuela – Romo, Karrilo, Rosales (Vargas, 81), Ferraresi, Urtado (Savarino, 65), Machis (Gonsales, 88), Martines (Moreno, 65), Martines, Rinkon, Osorio, Ramires (Urtado, 46).