Fransiyada koronavirusga qarshi kurash doirasida cheklov choralari kuchaytirildi

Fransiya sog‘liqni saqlash vaziri Olive Veran koronavirus yuqtirish holatlari o‘sayotgani sababli yangi cheklov choralarini e'lon qildi.

Jumladan, ilgari manfiy PZR-test natijasi bilan jamoat joylariga 72 soat ichida borish mumkin bo‘lgan bo‘lsa, endilikda bu muddat 24 soatgacha qisqartirildi.

Shu bilan birga, jamoat joylarida niqob taqish rejimi qaytmoqda. Restoran va teatrlarda ilgari vaksina olganlar ham niqob taqishi majburiy etib belgilandi. 

Veran hukumat komendantlik soati yoki korxonalarni majburan yopish kabi choralar joriy etilmasligini bildirdi.

O‘tgan sutkada Fransiyada 32 591ta koronavirus yuqtirish holati aniqlangan. Bu apreldan buyon qayd etilgan eng yuqori ko‘rsatkich hisoblanadi. 

So‘nggi ikki haftada Avstriya, Slovakiya, Niderlandiyada yangi cheklov choralari joriy etildi.