Afg‘onistonda qishda ochlikdan million bola nobud bo‘lishi mumkin - BMT

Afg‘onistonda hokimiyat tepasiga “Tolibon” kelgandan 4 oy o‘tib mamlakat ko‘plab gumanitar inqirozlar, jumladan oziq-ovqat o‘tkir yetishmovchiligi girdobida qolmoqda. Joriy qishda bu inqiroz sababli million afg‘on bolasi halok bo‘lishi mumkin.

Dastlabki ma'lumotlarga ko‘ra, Afg‘oniston aholisining yarmi, ya'ni 22,8 mln kishi jiddiy oziq-ovqat yetishmovchiligiga to‘qnash keladi.

Nashrning ta'kidlashicha, ushbu inqiroz toliblar hokimiyatni egallagandan keyin yuzaga kelgan iqtisodiy tanazzul bilan bog‘langan: AQShning harakatga qarshi kiritgan sanksiyalari mamlakatga xalqaro moliyaviy yordamning to‘xtatilishi va insonparvarlik yordami yetkazilishining qiyinlashishiga olib kelgan.    

Shuningdek, Afg‘oniston sog‘liqni saqlash tizimi falokat yoqasida turibdi: mamlakatga ajratilgan 600 mln dollarlik yordam muzlatib qo‘yilgan.   

Shu bilan birga, Vashington oktyabrda AQSh hukumatiga va BMT kabi ba'zi xalqaro tashkilotlarga Afg‘onistonga insonparvarlik yordami ko‘rsatish uchun “Tolibon” bilan hamkorlik qilishga ruxsat bergan.