Vladimir Zelenskiyning so‘zlariga ko‘ra, hozirda Ukraina va Rossiya yetakchilari o‘rtasida hech qanday muloqot yo‘q, ammo u har qanday shakldagi uchrashuvga tayyor.
Ukraina prezidenti Vladimir Zelenskiy o‘zaro uchrashuv masalasini kelishib olish uchun Rossiya prezidenti Vladimir Putinga qo‘ng‘iroq qilishga tayyorligini aytdi.
«Ma’muriyatlarimiz kun tartibi qanday bo‘lishi borasida gaplashishmoqda, agar ular murakkab hujjatlar bo‘yicha kelisha olishmasa, men to‘g‘ri unga qo‘ng‘iroq qilaman», — dedi Zelenskiy.
Vladimir Zelenskiyning so‘zlariga ko‘ra, hozirda Ukraina va Rossiya yetakchilari o‘rtasida hech qanday muloqot yo‘q, ammo u har qanday shakldagi uchrashuvga tayyor.
«Biz muloqotga tayyorligimizni ochiqchasiga aytamiz. Bizga Rossiya tomoni tayyorligini aytishi kerak. Biz Rossiya Federatsiyasi bilan har qanday shaklda uchrashishga tayyormiz. Biz yuzma-yuz muloqotga ham tayyormiz, qanday shaklda bo‘lishining ahamiyati yo‘q», — dedi Ukraina prezidenti.
Avvalroq Zelenskiy Donbass masalasida referendum o‘tkazilishi va Putin bilan muzokaralar olib borishi mumkinligini istisno qilmasligini aytgandi.
