3 o‘zbekistonlik blits-shaxmat bo‘yicha jahon chempionatining 1-turini g‘alaba bilan boshladi

Polsha poytaxti Varshava shahrida blits-shaxmat bo‘yicha jahon chempionatiga start berildi. Birinchi turda Nodirbek Abdusattorov, Jahongir Vohidov, Javohir Sindorov hamda Shamsiddin Vohidov AQSh, Polsha, Birlashgan Arab Amirliklari va Braziliya vakillariga qarshi dona surishdi.

• Jahongir Vohidov (O‘zb) — Levon Aronyan (AQSh)
• Marsin Tazbir (Polsha)— Nodirbek Abdusattorov (O‘zb)  
• Salim Saloh (BAA) — Javohir Sindorov (O‘zb)
• Lima Darsi (Bra) — Shamsiddin Vohidov (O‘zb)

Ushbu juftliklarda birgina Jahongir Vohidov amerikalik raqibiga imkoniyatni boy berdi.

Bugunning o‘zida 12 ta o‘yin o‘tkaziladi.

Blits-shaxmatda o‘yinchilarga raqibini mot qilish uchun 3 daqiqa, dona surish uchun 5 soniya vaqt taqdim etiladi.