Toshkentda Nexia ustunga urilishi oqibatida haydovchi vafot etdi

Toshkent shahri Olmazor tumanida harakatlanib ketayotgan Nexia-3 rusumli avtomobil yo‘l chetidagi beton ustunga urildi. Hodisa oqibatida haydovchi vafot etdi. Bu haqda Toshkent shahar Ichki ishlar bosh boshqarmasi matbuot xizmati xabar berdi.

Qayd etilishicha, hodisa 31 yanvar kuni yarim tunda yuz bergan. Shu kuni soat 02.20 larda Muxbir ko‘chasida haydovchi - 1998 y.t, U.F. Nexia-3  rusumli avtoulovini boshqarib ketayotib, yo‘l chetidagi beton ustunga urilgan.

Natijada avtoulov haydovchisi U.F. olingan tan jarohatlari natijasida shifoxonaga olib borilganida vafot etgan.

Mazkur holat bo‘yicha O‘zbekiston Respublikasi Jinoyat kodeksining 266 moddasi 2 qismi bo‘yicha jinoyat ishi qo‘zg‘atildi.