19:28 / 28.03.2022
7859
Бухоро вилоят суди раиси ўринбосари қонунийликни бузгани учун лавозимидан олинди

У жиноят ишлари бўйича судлов ҳайъати раиси вазифасида ишлаган. 

Президентнинг тегишли фармойиши билан одил судловни амалга оширишда қонунийликни бузгани учун Бухоро вилояти суди раисининг ўринбосари — жиноят ишлари бўйича судлов ҳайъати раиси Рўзиев Сухандиёр Гадоевич лавозимидан озод этилиб, судялик ваколатлари муддатидан аввал тугатилган. 

Бу ҳақда Kun.uz манбаси хабар берди. Шунингдек, ушбу маълумотни Судялар Олий кенгаши матбуот хизмати раҳбари Турсунали Акбаров тасдиқлади.  

Фармойишга мувофиқ ушбу лавозимга судьялик ваколати муддати даврининг 5 йил муддатига Аллаев Абдулло Садуллоевич тайинланган. У бунга қадар Олий суднинг жиноят ишлари бўйича судлов ҳайъати судяси лавозимида ишлаган.

Top