21:09 / 25.04.2022
12835
Днестрбўйидаги давлат хавфсизлик вазирлиги биносида қатор портлашлар содир бўлди

Бинонинг олд қисмига зарар етган. Дастлабки тахминга кўра, унга гранатомётдан ўқ узилган. 

Фото: mvdpmr.org

Тан олинмаган Днестрбўйи Молдова республикаси давлат хавфсизлик вазирлиги биносида камида учта портлаш содир бўлди. Бу ҳақда «Комсомолская правда» нашри хабар берди.

Нашр маълумотига кўра, бинонинг олд қисмига зарар етган. Республика махсус хизматлари бино яқинидан номаълум жисм топган.

«Бинога гранатомётдан ўқ узилган деган тахмин мавжуд», — деб ёзган газета мухбирлари.

Расмий Тираспол ҳозирча бу борада изоҳ бермаган. Қурбонлар ва жароҳатланганлар борасида ҳам маълумот йўқ.

Top