22:10 / 26.04.2022
22388
Гутерришнинг Путин билан учрашуви бир соатга яқин давом этди 

Гутерриш Путин билан учрашувдан олдин Россия ташқи ишлар вазири Сергей Лавров билан учрашган. У 28 апрел куни Украина президенти Владимир Зеленский билан учрашув ўтказади.

Фото: РИА Новости

БМТ бош котиби Антониу Гутерришнинг Россия президенти Владимир Путин билан учрашуви бир соатга яқин давом этди. Бу ҳақда бош котибнинг вакили ўринбосари Фархон Ҳақ маълум қилди. 

"Бугун бош котиб Москвада РФ президенти Владимир Путин билан учрашув ўтказди", - деди у.

Унинг билдиришича, учрашув бир соатга яқин давом этган. 

"Учрашувнинг давомийлиги бир соатга яқин бўлди, унинг бир қисми делегациялар иштирокида, бир қисми юзма-юз ўтказилди", - дея қўшимча қилди Ҳақ. 

Гутерриш Путин билан учрашувдан олдин Россия ташқи ишлар вазири Сергей Лавров билан учрашган. 

Антониу Гутерриш 28 апрел куни Украина президенти Владимир Зеленский билан учрашув ўтказади.

Top