15:30 / 05.05.2022
25522
Донбассда ёнғинлар, Мариуполда жанглар давом этмоқда. Уруш суратлари

Урушнинг 70-куни ўтди. Россиялик ҳарбийлар Мариуполдаги «Азовстал» заводи ҳудудига бостириб киришган. Штурмдан олдинроқ ҳудуд ўққа тутилган. Суми областидаги Конотоп шаҳри мэри Москва патриархатининг Украинадаги православ черкови фаолиятини тақиқлади ва бу черков мамлакат миллий хавфсизлигига таҳдид солишини билдирди. Еврокомиссия Россияга қарши санкцияларнинг олтинчи пакетини анонс қилди, унга кўра Россия нефтига эмбарго қўйилиши мумкин. Кремлдагилар умуммиллий сафарбарлик эҳтимолини рад этишмоқда.

«Азовстал» металлургия заводидан кўтарилаётган тутун. Ўққа тутилгандан сўнг, завод ҳудудида жанглар тикланди. Украина расмийлари Россия қўшини ҳудудга бостириб кирганини хабар қилди.
Alexei Alexandrov / AP / Scanpix / LETA

Украинадаги уруш. Сўнгги маълумотлар

  • Ўтган тунда фронтда жиддий ўзгаришлар кузатилмади. Мариуполда “Азовстал”ни авиация воситасида штурм қилиш давом этмоқда.
  • Тунда Краматорск авиаракеталар зарбасига учради, Донецк области ҳарбий маъмурияти раҳбари Павел Кириленконинг хабар қилишича, бу ҳужум натижасида турар жой биноларига шикаст етиб, тинч аҳоли вакилларидан камида 25 киши ҳалок бўлган.
  • Пайшанба куни БМТ Хавфсизлик кенгашининг Украина бўйича навбатдаги йиғилиши ўтказилади. Унга шу ойдан кенгаш раҳбарлигини эгаллаган АҚШ раислик қилади.
  • New York Times газетаси ўз манбаларига асосланган ҳолда, украинлар Америка разведка маълумотларига асосланган ҳолда кўплаб россиялик генералларни ўлдиргани ҳақида ёзди. Шу билан бирга нашр манбалари қайд этишича, 30 апрел куни Изюмдаги қўмондонлик пунктига зарба беришда бундай ёрдамга таянилмаган. Тасдиқланмаган маълумотларга кўра, бу пунктга зарба берилишидан олдинроқ Россия  бош штаби бошлиғи, армия генерали Валерий Герасимов шу ерда бўлганди.
  • Белгород области губернатори Украина ҳудудидан туриб икки қишлоқ ўққа тутилгани ҳақида хабар берди. Жабрланганлар тўғрисида хабар берилмаган.

Донецк

Донецкдан 15 километр масофада, ДХР назоратидаги ҳудудда жойлашган нефт базасида ёнғин чиқди. Нефт база Украина қуролли кучлари томонидан ўққа тутилган.
Петр Ковалев / ТАСС
Ёнғин хизмат автомобилларига ҳам ўтди. Макеевка мэри Владислав Ключаров 10 киши жароҳатлангани ҳақида хабар берган.
AP / Scanpix / LETA
Нефт база ҳудудидаги ўт ўчирувчилар.
Петр Ковалев / ТАСС

Львов 

Лвов ўққа тутилиши оқибатлари. Давомли ракета зарбалари оқибатида камида икки киши жабрланган. Россия мудофаа вазирлиги темирйўлдаги электр подстанцияси яксон этилганини хабар қилган.
Yuriy Dyachyshyn / AFP / Scanpix / LETA
Зарбага учраган электр подстанцияси. Лвов шаҳри мэри Андрей Садовий шаҳарнинг айрим йўлларида электр ўчгани ҳақида хабар қилган.
Pavlo Palamarchuk / Reuters / Scanpix / LETA
Доброполеда отишмалар пайтида синган дераза ойналари ўрнига фанер ва пластик плёнкалар ўрнатилган.
Leon Neal / Getty Images
Yasuyoshi Chiba / AFP / Scanpix / LETA
Покровскийдаги черковнинг хайрия марказида капеллан Олегнинг рафиқаси Евгения эвакуация қилинганларни қабул қилмоқда. Бу ерга фронтга яқин бўлган ҳудудлар аҳолиси келмоқда.
Yasuyoshi Chiba / AFP / Scanpix / LETA
Капеллан Олегнинг 9 ёшли Саша смартфон ёрдамида уй вазифасини бажармоқда. Уруш бошланганидан бери унинг ўқиши онлайн режимга ўтган.
Yasuyoshi Chiba / AFP / Scanpix / LETA
Ўз уйи олдида овқат тайёрлаётган киши. Шаҳар ДХР кучлари назорати остида.
Alexei Alexandrov / AP / Scanpix / LETA
Жангда ҳалок бўлган украиналик ҳарбий хизматчи Руслан Боровикнинг қизи София шаҳар марказидаги Олтин гумбазли Авлиё Михаил соборида отасини хотирламоқда.
Gleb Garanich / Reuters / Scanpix / LETA
Мавзу
Украина инқирози
2021 йил давомида Россия Украина билан чегарада қўшин тўплади. Сўнгги вақтларда минтақада вазият кескинлашмоқда.
Барчаси
Top