Litva Rossiya elektr energiyasidan voz kechdi

Nord Pool birja operatori «Inter RAO» kompaniyalar guruhidan Rossiya elektr energiyasi sotib olish bo‘yicha savdolarni to‘xtatishga qaror qildi.

Shunday qilib, 22 maydan boshlab Litvaga Rossiya nefti, elektr energiyasi va tabiiy gazi import qilinmaydi.

Litva gazni Klaypedadagi suyultirilgan gaz terminalidan oladi. Elektr energiyasini mahalliy korxonalar ishlab chiqaradi, shuningdek, Yevroittifoq mamlakatlaridan import qilinadi, deb xabar berdi Litva energetika vazirligi. 

Nord Pool butun Yevropa bo‘yicha elektr energiyasi savdosini amalga oshiradi.