Eng keng tarqalgan elektr jihozlar qancha energiya sarflaydi?
Energetika vazirligi ko‘plab xonadonlarda mavjud 11 ta elektr jihozining bir oylik energiya sarfi bo‘yicha ma’lumot berdi.
Unga ko‘ra, xonadonda bittadan televizor, muzlatkich, dazmol, elektr choynak, mikroto‘lqinli pech (yoki elektr “duxovka”), kir yuvish mashinasi, suv isitish boyleri (“ariston”), changyutgich, kompyuter va 7 ta lampochka bo‘lsa, mazkur 11 turdagi elektr pribor bir oyda 180 kVt soat energiya sarflaydi.
Hozirgi narxda (295 so‘m) bu 53 100 so‘mni tashkil etadi. 1 iyuldan oyiga 250 kVt soatgacha bazaviy norma doirasida taklif etilayotgan (325 so‘m) narxda esa 58 500 so‘mga aylanadi, farq – 5400 so‘m.
Eslatib o‘tamiz, muhokamaga qo‘yilgan hukumat qarori loyihasida 1 iyuldan elektr tariflarini xonadonlar uchun quyidagicha oshirish ko‘zda tutilgan:
1 kVt soat elektr energiyasi uchun taklif etilayotgan yangi narxlar (aholi uchun):
- ijtimoiy norma doirasida: oyiga 250 kVt soatgacha – 325 so‘m;
- 251-kVt soatdan boshlab har 1 kVt soat uchun – 650 so‘m.
Mavzuga oid
10:00 / 22.09.2024
Andijon va Xorazm viloyatlarida energiya resurslaridan noqonuniy foydalangan korxonalar aniqlandi
17:31 / 28.08.2024
Elektr energiyasi va tabiiy gaz uchun majburiy to‘lovlarni undirish tartibiga o‘zgartirishlar kiritildi
21:08 / 22.08.2024
Gaz qazib olish qisqaryapti, elektr energiyasi ishlab chiqarish ham kamaygan
15:24 / 19.08.2024