Turkmaniston Qoraqalpog‘istondagi vaziyat bo‘yicha ko‘rilayotgan choralarni qo‘llab-quvvatladi

Vazirlik rasmiy saytidagi bayonotda turkman tomoni O‘zbekiston rahbariyatining “konstitutsion tuzum va huquq-tartibotni himoya qilish, fuqarolar xavfsizligi va osoyishtaligini muhofaza qilish bo‘yicha o‘z vaqtida amalga oshirilgan qat’iy harakatlarini qo‘llab-quvvatlashi” ta’kidlangan.

“Ishonchimiz komilki, xalqning ko‘p asrlik donishmandligi, tajribasi va uzoqni ko‘ra olishi yuzaga kelgan qiyinchiliklarni yengib o‘tishga, O‘zbekiston Respublikasining izchil va barqaror rivojlanishi, davlat va jamoat institutlari barqarorligini ta’minlashga xizmat qiladi.

O‘zbekiston bilan qardoshlik, do‘stlik va mustahkam hamkorlik rishtalari bilan bog‘langan yaqin qo‘shni sifatida Turkmaniston ushbu mamlakatga zarur ko‘mak ko‘rsatishga va hamkorlik qilishga tayyor”, – deyiladi Turkmaniston TIV rasmiy relizida.