Sergey Yejkov sudda Komil Allamjonovdan uzr so‘radi
Uzmetronom nashri asoschisi Sergey Yejkov Mass-media fondi raisi haqida tekshirilmagan ma’lumotlarni e’lon qilgani uchun sud majlisida undan uzr so‘radi. Shundan so‘ng Komil Allamjonov arizasini qaytarib olishga qaror qildi. “Har qanday bahsli holatlar o‘zaro kelishuv yoki sud orqali bo‘lishi kerak. Ishoning, bu “podval”dagi so‘roqlardan, turli noqonuniy chaqiruv va qo‘ng‘iroqlardan ming marta to‘g‘ri”, dedi Allamjonov.

Sergey Yejkov va Komil Allamjonov
6 iyul kuni jinoyat ishlari bo‘yicha Shayxontohur tuman sudida Mass-media fondi raisi Komil Allamjonovning unga nisbatan Uzmetronom saytida tuhmat qilinganiga oid da’vosi yuzasidan ikkinchi sud majlisi bo‘lib o‘tdi. Bu haqda nashr o‘z saytida xabar berdi.
Sud majlisida nashr asoschisi, ayblanuvchi Sergey Yejkov mazkur jinoyat ishi obekti bo‘lgan ma’lumotlarni shu yil fevralda Eltuz manbasidan olib tarqatgani, bu jarayonda materialdagi iddaolarni yetarlicha o‘rganmaganini tan oldi.
Yejkov sud majlisida buning uchun Komil Allamjonovdan uzr so‘radi.
Allamjonov ayblanuvchi uzr so‘ragani sabab o‘z arizasini qaytarib olishga qaror qildi.
“Maqsadim Sergey Yejkovni jazolash emas, uning nohaq ekanligini isbotlash edi. U buni tan oldi. Materialni tekshirmay berganini aytdi. Menga shu yetadi”, deya yozdi da’vogar o‘z Telegram-kanalida.
Majlis yakunida ikki taraf qo‘l siqib ko‘rishdi. Allamjonov Yejkov va uning advokatiga o‘zi yozgan “Allamjonov aybdor” nomli kitobini sovg‘a qildi; sudlanuvchiga berilgan kitobga “Qadrli aka S.A. Yejkovga, sud zalidan esdalik” deya dastxat yozilgan.
“Bir narsani unutmaslik kerak. So‘z erkinligi bu – mas’uliyat, ya’ni har bir gapga javob berish degani. Va har qanday bahsli holatlar o‘zaro kelishuv yoki sud orqali bo‘lishi kerak. Ishoning, bu “podval”dagi so‘roqlardan, turli noqonuniy chaqiruv va qo‘ng‘iroqlardan ming marta to‘g‘ri va ta’sirliroq. Barcha demokratik jamiyatlarda aynan shunday”, deya kanalida yozdi Komil Allamjonov.
Eslatib o‘tamiz, Uzmetronom'da “Brilliant bola” sarlavhasi bilan chiqqan materialda Komil Allamjonov go‘yoki O‘zbekistonga 4,2 mln dollarlik taqinchoqlarni bojsiz olib kirishda sherik bo‘lgani iddao qilingan.
Avvalroq bu ma’lumotning birlamchi manbasi – xorijdagi Eltuz tahririyati ham Allamjonovdan uzr so‘rab, Germaniya qonunchiligi asosida jarima to‘lashga tayyorligini bildirgandi.
Bu ma’lumotlarni qo‘shimcha surishtiruvsiz, xususan ikkinchi tomondan izoh olmagan holda e’lon qilib yuborgan Uzmetronom sayti ham Eltuz birlamchi materialni o‘chirishi ortidan o‘z resurslaridan maqolani olib tashlagan.
Sudda ko‘rilayotgan ish Jinoyat kodeksining 139-moddasi (tuhmat) bo‘yicha qo‘zg‘atilgan. Agar jarayon davom etib, sud ayblanuvchini jinoyat sodir etgan deb topsa, u kamida 200 BHM (60 mln so‘m) jarimaga tortilishi mumkin.
Tavsiya etamiz
Samarqand shahriga kirish yo‘llari vaqtincha yopiladi
O‘zbekiston | 21:35 / 30.03.2025
Dunyo bo‘ylab Ramazon hayiti qanday kutib olindi – fotolar
Jahon | 20:30 / 30.03.2025
AQSh «Tolibon» bilan aloqa o‘rnatyaptimi?
Jahon | 16:25 / 30.03.2025
Germaniyadagi shaharcha gazetada e’lon berib, yangi hokim axtarmoqda
Jahon | 07:57 / 30.03.2025
So‘nggi yangiliklar
-
Yevropa kengashi raisi Antoniu Koshta O‘zbekistonga keldi
O‘zbekiston | 08:16
-
Rossiyaga Pokistondan migrantlar olib kirish uchun to‘g‘ridan-to‘g‘ri reyslar yo‘lga qo‘yiladi
Jahon | 07:57
-
Tramp Harvardni milliardlardan mahrum qilmoqchi
Jahon | 07:56
-
Fransiyada ultrao‘ng siyosatchilar ommaviy norozilik namoyishlar o‘tkazmoqchi
Jahon | 07:54
Mavzuga oid

11:29 / 25.03.2025
«Oq uy meni o‘z harbiy rejalari bilan tanishtirdi». Jurnalistni tasodifan maxfiy harbiy chatga qo‘shib qo‘yishdi

20:53 / 26.02.2025
“Bu faqat mengamas, hamma jurnalistga otilgan tosh” - Anora Sodiqovaning Mirsaid Haydarovga nisbatan da’vosi bo‘yicha sud yopiq o‘tadigan bo‘ldi

15:04 / 21.02.2025
Komil Allamjonovning yordamchilari Oliy sudda oqlandi

14:36 / 12.02.2025