Samarqand viloyatida yashovchi haydovchi Cobalt mashinasi bilan yo‘lni kesib o‘tayotgan fuqaroni urib yuborgan.
Jizzax viloyati IIB axborot xizmatining xabar berishicha, 2022 yil 9 iyul kuni soat 1:00 larda M-39 Almati-Toshkent-Termiz xalqaro avtomobil yo‘lining Jizzax viloyati Sharof Rashidov tumani hududidan o‘tgan 975-kilometrida odam o‘limi bilan bog‘liq yo‘l-transport hodisasi sodir bo‘lgan.
Samarqand viloyati Narpay tumanida yashovchi haydovchi Cobalt mashinasi bilan Samarqand yo‘nalishi bo‘yicha boshqarib ketayotib, yo‘lni kesib o‘tayotgan piyoda, Zarbdor tumanida yashovchi, 58 yoshli piyodani urib yuborgan. Oqibatda piyoda tan jarohatlari olib, voqea joyida vafot etgan.
Qayd etilishicha, hodisa yuzasidan Sharof Rashidov tumani IIB tomonidan jinoyat ishi qo‘zg‘atilgan.
Avvalroq, Jizzaxda VAZ-2106 mashinasi ro‘paradan kelayotgan Lacetti bilan to‘qnashishi oqibatida yo‘lovchi vafot etgandi.
