JSST rahbari maymun chechagi tarqalishini xalqaro miqyosdagi favqulodda vaziyat deb e’lon qildi

Ma’lumotlarga ko‘ra, 63 mamlakatda maymun chechagi kasalligini yuqtirish bilan bog‘liq 9,2 mingdan ortiq holat qayd etilgan.

Foto: Reuters

JSST bosh direktori Tedros Adanom Gebreyyesus maymun chechagi kasalligi tarqalishini sog‘liqni saqlash sohasida xalqaro miqyosdagi favqulodda vaziyat deb e’lon qildi.

Uning so‘zlariga ko‘ra, qator omillarni hisobga olib, «sog‘liqni saqlash sohasida xavotir uyg‘otuvchi xalqaro miqyosdagi favqulodda vaziyat deb e’lon qilish to‘g‘risida qaror qabul qilindi».

Shifokorlar 16 mamlakatda qayd etilgan 528ta kasallik yuqtirish holatini o‘rganib chiqishgan. Ma’lum bo‘lishicha, kasallikning eng ko‘p tarqalgan simptomi badanga toshma toshib ketishidir.

JSST ma’lumotlariga ko‘ra, 63 mamlakatda maymun chechagi kasalligini yuqtirish bilan bog‘liq 9,2 mingdan ortiq holat qayd etilgan. Jahon sog‘liqni saqlash tashkilotining favqulodda vaziyatlar bo‘yicha dasturi rahbari Mayk Rayanning bildirishicha, kasallik aksariyat hollarda jinsiy yo‘l orqali yuqmoqda.