O‘zbekiston | 19:18 / 23.07.2022
19736
2 daqiqa o‘qiladi

Qarshi shahrida yashovchi shaxs o‘zining qaynsinglisini oftoba bilan urib o‘ldirdi

​​​​​​​Hodisa yuzasidan Jinoyat kodeksining 97-moddasi bilan jinoyat ishi qo‘zg‘atilib, gumon qilinuvchi JPKning 221-moddasi tartibida ushlangan.

Foto: IIB axborot xizmati

Qashqadaryo viloyati IIB axborot xizmatining xabar berishicha, Qarshi tumanidagi «Kojor» MFYda yashovchi, viloyat ruhiy kasalliklar shifoxonasida dispanser hisobida turuvchi shaxs 2022 yil 17 iyul kuni soat 07:15 larda Qarshi shahar «Kamandi» MFYda yashovchi qaynsinglisi R.D.ning yashash xonadoniga yashirincha tarzda kirgan.

So‘ng ayolga «Nega mening oilamga aralashasan?» deb, u bilan o‘zaro janjallashib qolgan. O‘zaro janjal paytida P.M. hovlida turgan oftoba bilan qaynsinglisining boshi orqa tomoniga bir necha marta zarba bergan. Oqibatda jabrlanuvchi og‘ir tan jarohatlari olib shifoxonada vafot etgan.

Qayd etilishicha, hodisa yuzasidan Jinoyat kodeksining 97-moddasi bilan jinoyat ishi qo‘zg‘atilib, gumon qilinuvchi Jinoyat-protsessual kodeksning 221-moddasi tartibida ushlangan.

Dastlabki tergov harakatlari ustidan viloyat prokuraturasi tomonidan nazorat o‘rnatilgan.

Avvalroq, Qashqadaryoda mast erkak xotinini urib o‘ldirgandi.

Mavzuga oid