Qoʻshimcha funksionallar
-
Tungi ko‘rinish
«Harbiylarimiz qo‘l qovushtirib o‘tirmaydi» - Xitoy Pelosining Tayvanga rejalashtirgan tashrifi bois AQShga tahdid qildi
Xitoy mudofaa vazirligi vakilining ta’kidlashicha, Nensi Pelosi AQSh hukumatidagi uchinchi shaxs hisoblanadi va uning tashrifi «yagona Xitoy» tamoyiliga ziddir.
AQSh vakillar palatasi spikeri Nensi Pelosining Tayvanga tashrifi «yagona Xitoy» tamoyilini buzadi, Pekin Vashingtondan ushbu tashrifni tashkil etmaslikni talab qiladi, dedi Xitoy mudofaa vazirligi matbuot kotibi Tan Kefey.
U Pekin mazkur tashrifga bir necha marta qarshi chiqqanini eslatdi. Tanning ta’kidlashicha, Pelosi AQSh hukumatidagi uchinchi shaxs hisoblanadi va uning tashrifi «yagona Xitoy» tamoyiliga ziddir.
«Agar Amerika tomoni o‘z yo‘lidan qaytmasa, Xitoy harbiylari hech qachon qo‘l qovushtirib o‘tirmaydi hamda shubhasiz, tashqi kuchlarning har qanday aralashuvi va «Tayvan mustaqilligi» to‘g‘risidagi ayirmachiliklarning oldini olish uchun keskin choralar ko‘radi», — dedi Tan Kefey.
Tayvan 1949 yilda Xitoydan ajralib chiqqanini e’lon qilgan. Pekin orolning mustaqilligini tan olmaydi va uni o‘z provinsiyasi deb hisoblaydi.
Reuters agentligining xabar berishicha, Pelosi Tayvanga avgust oyida borishni rejalashtirgan.
Mavzuga oid
20:39
Xitoy orbitaga yuk tashuvchi ko‘p martalik kosmik kemasini namoyish etdi
17:53
O‘zbekiston oltin ishlab chiqaruvchi davlatlarning yetakchi o‘ntaligiga kirdi
15:44
AQShda jarroh robot videoga qarab operatsiya qilishni o‘rgandi
14:22