Toshkentda to‘rtta yangi avtobus yo‘nalishi tashkil etildi

Bugun, 16 avgust kunidan boshlab Toshkent shahrida qator yangi avtobus yo‘nalishlari tashkil etildi. Bu haqda Toshkent shahar transport boshqarmasi xabar bermoqda.

20-sonli "Ibn Sino 1-mavzesi-Gulobod ko‘chasi" yo‘nalishi. Yo‘nalish harakati Ibn Sino 1-mavzesidan Beltepa, Zangiota, Jarariq, Ko‘ksaroy, Ipakchi 2-tor, Ipakchi, Qo‘rg‘oncha, Oqsoy, Ko‘kcha Darvoza, Laylito‘g‘on ko‘chalari orqali Gulobod ko‘chasiga qadar soat 6:00 dan 21:30 gacha harakatlanishi belgilangan.

52-sonli "Uchuvchilar shaharchasi-Toshkent vokzali" yo‘nalishi. Yo‘nalish harakati Uchuvchilar shaharchasidan Uchuvchilar, S.Tolipov 1-tor, Qumariq, G.Aliyev, Temiryo‘lchilar, Sariko‘l, Turkiston ko‘chalari orqali, Toshkent vokzaliga qadar soat 6:00 dan 21:30 gacha harakatlanishi belgilangan.

138-sonli "Shifokorlar shaharchasi-Beruniy metrosi" yo‘nalishi. Yo‘nalish harakati Shifokorlar shaharchasidan Qamarniso, Shifokorlar, Farobiy, Paxtachi, Zafarobod, Kichik halqa yo‘li, Farobiy, Beruniy ko‘chalari orqali Beruniy metrosiga qadar soat 6:00 dan 21:30 gacha harakatlanishi belgilangan.

139-sonli "Birlik mavzesi-Chilonzor metrosi" yo‘nalishi. Yo‘nalish harakati to‘g‘ri yo‘nalishda Birlik mavzesidan Ko‘rkam, Ko‘kcha Darvoza, Nazarbek, Jurjoniy, Farhod, Kichik halqa yo‘li ko‘chalari orqali Chilonzor metrosiga qadar soat 6:00 dan 21:15 gacha  harakatlanishi belgilangan.