21:12 / 30.08.2022
13011
Қорақалпоғистонда яна 10 киши қамоқдан шартли озод этилди

Намойишларда қатнашганликда гумонланаётган ва депутатлар сўрови билан қамоқ эҳтиёт чораси уй қамоғига алмаштирилган фуқаролар сони 34 нафарга етди.

Фото: Парламент комиссияси

Бугун, 30 август куни Қорақалпоғистон воқеаларини ўрганиш бўйича Олий Мажлис комиссияси ва Жўқорғи Кенгес илтимоси билан, яна 10 нафар гумонланувчи жамоат кафиллиги асосида ўз оиласига қайтарилди.

Шу куни аввалроқ Бош прокуратура яна 24 фуқаронинг қамоқ эҳтиёт чорасини инсонпарварлик тамойили асосида уй қамоғи тарзидаги эҳтиёт чорасига алмаштирганди.

Шу тариқа, оиласи бағрига қайтганлар 34 нафарга етди.

Эслатиб ўтамиз, Бош прокуратурага киритилган рўйхат, намойишларда иштирок этганликда гумон қилиниб, олиб кетилган шахсларнинг оила аъзолари томонидан комиссияга қилинган мурожаатларнинг ўрганилиши ва гумонланувчилар билан шахсан суҳбатлашиш асосида шакллантирилган.

Мавзу
Қорақалпоғистондаги намойишлар
1-2 июл кунлари Қорақалпоғистон маркази Нукус шаҳрида тартибсизликлар кузатилди. Миллий гвардия ходимлари билан тўқнашувларда 200 дан ортиқ киши яраланган, 18 киши ҳалок бўлган.
Барчаси
Top