O‘zbekistonga baliq asosan Rossiyadan olib kelinyapti

2022 yil yanvar-iyul oylarida O‘zbekistonga 48 ta xorijiy davlatdan qiymati 11,6 mln AQSh dollariga teng bo‘lgan 6,1 ming tonna baliq va dengiz mahsulotlari import qilingan. 

Davlat statistika qo‘mitasi ma’lumotlariga ko‘ra, baliq va dengiz mahsulotlari importi o‘tgan yil mos davri bilan solishtirilganda 1,5 ming tonnaga oshgan. 

2022 yil 7 oyida O‘zbekiston eng ko‘p baliq va dengiz mahsulotlarini  import qilgan davlatlar orasida Rossiya yetakchilik qilmoqda – 2,9 ming tonna.

Ushbu ko‘rsatkich qolgan davlatlar kesimida quyidagicha ko‘rinish oldi:

• Vetnam – 905 tonna;
• Latviya – 822 tonna;
• Qozog‘iston – 435 tonna;
• Norvegiya – 327 tonna;
• Litva – 322 tonna;
• Xitoy – 41,4 tonna;
• Turkiya – 35 tonna.