O‘zbekiston | 20:31 / 30.09.2022
30961
3 daqiqa o‘qiladi

“O‘zbekistonga qisqa vaqtga keldik” - Rossiyadan qaytgan vatandoshlar

Rossiyada safarbarlikning 10-kuni o‘tmoqda. Kun.uz muxbiri Toshkent aeroportida bo‘lib, Moskvadan qaytib kelgan o‘zbekistonlik mehnat muhojirlari bilan suhbatda bo‘ldi va ulardan qaytish sabablari, urushda qatnashish uchun bosimlar haqida so‘radi.

29 sentabr kuni soat 15:10da Toshkent xalqaro aeroportiga qo‘ngan Moskva–Toshkent reysida, albatta, Rossiya fuqarolari ham bor edi.

Avvaliga rossiyaliklardan ham fikr olamiz degan umidda 3-4ta yosh rus yigitlari oldiga bordik va ularga savollarimiz borligini aytdik. Ne ajabki, yigitlar s’yomka qilmasligimizni, olgan kadrlarimizni o‘chirib tashlamasak, sudga berish bilan tahdid qilishdi.

Shundan keyin asosiy diqqatimiz qaratilgan o‘zbekistonlik mehnat muhojirlari aeroportdan chiqish yo‘lagidan yurib kela boshlashdi. Ulardan nima maqsadda ortga qaytishgani, yana Rossiyaga borish niyati bor-yo‘qligi va urushga migrantlarni jalb qilish uchun bosimlar haqida so‘radik.

“Vaziyat yaxshi, hujjatlarim muddati tugagani uchun keldim. Yana qaytib ketaman. Turmush o‘rtog‘im bilan keldik. Ammo ikki o‘g‘lim Rossiyada qolgan”, – deydi bir vatandosh ayol.

Yana bir mehnat muhojiri ham aynan hujjatlarining muddati tugagani uchun qaytganini aytsa, boshqasi qaytish maqsadi qarindoshining to‘yi ekani bilan izohladi.

Biz suhbatlashgan deyarli barcha o‘zbekistonlik mehnat muhojirlari ishi bitishi bilan yana RFga ishlashga qaytishini aytdi.

“Rossiyaga ketganimga 3 yil bo‘ldi. Akamning to‘yi bor, uni o‘tkazamiz, mashina olamiz. Yurt tinch bo‘lsa, urushlar to‘xtasa, qaytamiz”, – deydi yana bir hamyurtimiz.

Keluvchilar orasida talabalar ham bor. Ulardan biri o‘qishi onlayn bo‘lgani uchun qaytayotgani, yanvarda yana borishini aytdi.

“Urush Ukrainada bo‘lyapti, O‘zbekistonda vahimasi”, – deydi yana bir muhojir.

Urushga qatnashish uchun migrantlarga bosimlar bo‘lyaptimi degan savolimizga barcha javob beruvchilar bunday holat bo‘lmaganini ta’kidladi.

“Bunaqa holatlar yo‘q, urushga safarbarlik degan narsa yo‘q. Avval qanday bo‘lsa, shunday ishlab yurishibdi. Men yashayotgan joyda har holda shunday, men Moskvada ishlayman”.

“Mehnat migrantlari himoyachisi ham urushga bormaslikka chaqiryapti. Shundoq ham migrantlarning o‘ziga urushga borish borasida hech kim indamayapti. Bunaqa gaplar qayerdan chiqayotganiga hayronman”, – deydi ismini oshkor qilishni xohlamagan, uzoq yillardan beri Rossiyada istiqomat qilayotgan o‘zbekistonlik. U ham qaytish niyati borligini aytadi.

“Rossiyaliklarning chetga chiqishi ko‘p bo‘lyapti. Fuqarolariga aviachiptalar narxi oshgan, bizga unaqa emas. Bir hafta oldin sotib oldim 200 dollarga. Bu unchalik yuqori narx emas”, – deydi yana bir vatandosh.

Madina Ochilova,
Kun.uz muxbiri
Operator va montaj ustasi – Javohir G‘ayratov

Mavzuga oid

E`lonlar

Toshkent Kimyo xalqaro universiteti va Pukyong milliy universiteti o‘rtasidagi ilmiy va madaniy hamkorlik rivojlanmoqda

Golden House  biznes-klassdagi O‘z Makon II turar joy majmuasi taqdimotiga taklif etadi

O‘zbekiston Respublikasi Hisob palatasi va Toshkentdagi Singapur menejmentni rivojlantirish instituti o‘rtasida hamkorlik aloqalari yo‘lga qo‘yildi

Tenge Bank Visa bilan hamkorlikda bir qator innovatsion to‘lov xizmatlarini ishga tushirmoqda

FAW Trucks: O‘zbekistonda yangi davrni boshlagan yetakchi yuk mashinalari ishlab chiqaruvchisi

Fermerlar va dehqonlar uchun qulay imkoniyat – “O‘zkimyosanoat” AJ mineral o‘g‘itlarga 10 foizgacha chegirma narxlarini taklif etmoqda 

Toshkent Kimyo xalqaro universiteti va Pukyong milliy universiteti o‘rtasidagi ilmiy va madaniy hamkorlik rivojlanmoqda

Golden House  biznes-klassdagi O‘z Makon II turar joy majmuasi taqdimotiga taklif etadi

O‘zbekiston Respublikasi Hisob palatasi va Toshkentdagi Singapur menejmentni rivojlantirish instituti o‘rtasida hamkorlik aloqalari yo‘lga qo‘yildi

Tenge Bank Visa bilan hamkorlikda bir qator innovatsion to‘lov xizmatlarini ishga tushirmoqda

FAW Trucks: O‘zbekistonda yangi davrni boshlagan yetakchi yuk mashinalari ishlab chiqaruvchisi

Fermerlar va dehqonlar uchun qulay imkoniyat – “O‘zkimyosanoat” AJ mineral o‘g‘itlarga 10 foizgacha chegirma narxlarini taklif etmoqda 

Toshkent Kimyo xalqaro universiteti va Pukyong milliy universiteti o‘rtasidagi ilmiy va madaniy hamkorlik rivojlanmoqda

Golden House  biznes-klassdagi O‘z Makon II turar joy majmuasi taqdimotiga taklif etadi