OFK kubogi. «So‘g‘diyona» penaltilar seriyasida «Kuala Lumpur»ga mag‘lub bo‘lib, finalga chiqa olmadi

Qariyb 10 ming tomoshabin qarshisida o‘tgan bahs 120 daqiqa davom etdi va tomonlar to‘rtta bo‘limda durang qayd etishdi – 0:0. 

Bir o‘yindan iborat bahsda hisob ochilmagach, hakam jamoalarni penaltilar seriyasiga taklif etdi. Seriyadan avval jizzaxliklar bosh murabbiyi Ulug‘bek Baqoyev darvozabon Milan Mitrovich o‘rniga Shirinboy Abdullayevni maydonga tushirdi. Biroq Shahboz Jo‘rabekovning omadsiz zarbasidan keyin u jamoasini omadsizlikdan qutqara olmadi. 

Shu tariqa, finalda «Kuala Lumpur» Ummonning «As-Sib» klubiga qarshi maydonga tushadigan bo‘ldi. Hal qiluvchi o‘yin 22 oktabr kuni o‘tkaziladi.

OFK kubogi. Yarimfinal (Hududlararo final).
«So‘g‘diyona» – «Kuala Lumpur Siti» - 0:0. Penaltilar seriyasi: 3:5
Bosh hakam: Ali Saboh Al Qaysi (Iroq)
«So‘g‘diyona»: 27.Milan Mitrovich (Shirinboy Abdullayev, 120), 2.Sardor Qulmatov, 6.Iskandar Shoyqulov (77.Daniyel Nasriddinov, 107), 7.Shahboz Jo‘rabekov, 10.Shohruz Norxonov (17.Husniddin G‘ofurov, 112), 11.Jasur Hasanov, 19.Javohir Qahramonov, 21.Abdujalil Manazarov (5.Ayubxon No‘’monov, 112), 26.Vitaliy Denisov (39.Shavkat Salomov, 68), 31.Luka Chermel, 93.Marko Kolakovich.
«Kuala Lumpur»: 1.Kevin Mendosa, 4.Kamol Aziziy, 6.Rayan Lambert (21.Kenni Pallaraj, 100), 7.Romel Morales, 8.Zafri Yahyo (30.Fakrul Ayman, 100), 9.Jankarlo Gallifuoko, 12.Deklan Lambert (25.Anvar Ibrohim, 100), 14.Akrom Mahinon, 16.Janasekaran Partiban, 17.Irfon Zakariya, 28.Paulo Jozue.