Toshkent yana havosi eng ifloslangan shaharlar qatoridan joy oldi

Toshkent shahar havosi yana keskin ifloslandi. 12 oktyabr kuni O‘zbekiston poytaxti havosi eng ifloslangan shaharlar qatoridan o‘rin oldi. Bu haqda gidrometeorologik tadqiqotlar muallifi Erkin Abdulahadov o‘z kanalida yozmoqda.

«Havoda mayda PM-2,5 dispers zarrachasining me’yoriy qiymatlaridan ortishi havoning sifat darajasi «qoniqarsiz» bo‘lishini ta’minladi. Mazkur ko‘rsatkich bilan poytaxt Toshkent soat 18:00 da dunyoning yirik shaharlari orasida havoning ifloslanishi bo‘yicha 8-o‘rinda qayd etildi», deyiladi postda.

Qayd etilishicha, 12 oktyabr 18:00 holatiga ko‘ra Qozog‘iston poytaxti Ostona havosi eng ifloslangan shahar bo‘lgan. Shuningdek, Xitoyning Chengdu, Pekin, Uhan, Pokistonning Lahor, BAAning Dubay, Hindistonning Dehli shaharlarida havo keskin ifloslanishi qayd etilgan.