Yevroparlament Saxarov mukofotini Ukraina xalqiga topshirdi
Yevropa parlamenti Saxarov nomidagi inson huquqlari bo‘yicha mukofotini Ukraina xalqiga topshirdi.
Qayd etilishicha, mukofotga o‘z zaminida jang qilayotgan ukrainaliklar ham, qochqinlar ham, jangovar harakatlar paytida yaqinlarini yo‘qotganlar ham birdek sazovor bo‘lgan.
2021 yilda rossiyalik muxolifatchi siyosatchi Aleksey Navalniy, 2020 yilda Belarus muxolifati ushbu mukofot laureati bo‘lgan edi.
Taqdirlash marosimi 14 dekabr kuni Strasburgda bo‘lib o‘tadi.
Avvalroq Yevropa xalq partiyasi (YeXP) Ukraina prezidenti Vladimir Zelenskiy va mamlakat xalqini Andrey Saxarov nomidagi «Fikr erkinligi uchun» mukofotiga nomzod sifatida ko‘rsatgan edi.
1988 yilda Yevropa parlamenti tomonidan ta’sis etilgan mukofot vodorod bombasi yaratuvchisi va huquq himoyachisi Andrey Saxarov nomi bilan atalgan. 1970 yilda u SSSR Inson huquqlari qo‘mitasi asoschilaridan biri bo‘ldi. 1975 yilda «odamlar o‘rtasidagi tinchlikning asosiy tamoyillarini qo‘rqmasdan qo‘llab-quvvatlagani uchun» tinchlik bo‘yicha Nobel mukofotiga sazovor bo‘ldi.
Saxarov mukofoti laureatiga diplom va 50 ming yevro mukofot beriladi.
Mavzuga oid
20:45 / 21.09.2024
Zelenskiy Rossiya bilan muzokara uchun «uchta band» tayyorlayotganini ma’lum qildi
17:47 / 21.09.2024
Ukrainadagi urushning hozirgi pallasi: ekspertlar sharhi
16:30 / 21.09.2024
Ukrainada 300 dan ortiq aholi punkti nomi o‘zgartiriladi
12:10 / 21.09.2024