Bosh reja va yashil shahar umidi. Kun.uz'da #Boricha podkasti

O‘tgan hafta davlat rahbariga taqdim etilgan bosh reja loyihasi borasida bir qator savollar tug‘ildi. Kun.uz bu masalada intervyu va maqolalar e’lon qildi. Yangi reja doirasida yashil hududlar ko‘payishi, yangi shahar qurilishi, transport va infratuzilma yaxshilanishi haqida optimistik bayonotlar yangradi.

Shu bilan birga, oktyabr oyida O‘zbekiston, xususan, Toshkent yana chang-to‘zon ichida qoldi. Dunyoning eng ifloslangan shaharlari reytingida mutlaq peshqadamlik qilgan poytaxtimiz, shuningdek, havosi tekshirilmaydigan, biroq doim zahar va g‘ubordan aholisi aziyat chekadigan mamlakatimizning boshqa shaharlari ham borki, muammo kundan kunga jiddiylashib borayotganini har birimiz his qilib, ko‘rib boryapmiz.

#Boricha loyihasining ilk soni uchun ana shu bir-biriga bog‘liq mavzularni tanlab oldik. Yashil shahar qurilishi bo‘yicha ekspert Temur Ahmedov va iqlimshunos Erkin Abdulahatov mehmonimiz bo‘lishdi.