Navoiyda 2 nafar soliqchi pora olayotganda ushlandi
Ularga nisbatan qamoqqa olish ehtiyot chorasi qo‘llangan.
Ijtimoiy tarmoqlarda Navoiy viloyatida soliq idorasi xodimlari tezkor tadbirda qo‘lga olingani haqidagi xabarlar tarqaldi. Navoiy viloyati prokuraturasi holat yuzasidan rasmiy bayonot berdi.
Ma’lum qilinishicha, Navoiy viloyati davlat soliq idorasi xodimlari Z.A. va B.Sh. hududdagi MChJlardan biriga qarashli kafeda o‘tkazilgan sayyor soliq tekshiruvi natijasini tadbirkor foydasiga ijobiy hal qilib berish evaziga 10 000 AQSh dollari talab qilgan. Ular 2022 yil 18 noyabr kuni Navoiy shahrida kelishilgan puldan 9 000 dollarini MChJ rahbaridan olgan vaqtida huquqni muhofaza qiluvchi organlar tomonidan o‘tkazilgan tezkor tadbirda ushlangan.
Holat yuzasidan Z.A. va B.Sh.ga nisbatan Jinoyat kodeksining 210-moddasi 2-qismi bilan jinoyat ishi qo‘zg‘atilgan.
Prokuratura bayonotiga ko‘ra, jinoyat ishi yuzasidan Navoiy viloyat prokuraturasi tomonidan olib borilayotgan tergov harakatlari davomida qamoqqa olish tarzidagi ehtiyot chorasi qo‘llangan.
Mavzuga oid
![](https://storage.kun.uz/source/thumbnails/_medium/10/RsJ5YZradg3IWxdm3Bd3g19rk0XaQ3og_medium.jpg)
20:10 / 20.08.2024
Toshkent va Jizzaxda hokim yordamchilari pora bilan ushlandi
![](https://storage.kun.uz/source/thumbnails/_medium/10/0BwM3jIhhe8e2WFfakhkiSi0LryFsyK2_medium.jpg)
10:19 / 19.08.2024
Navoiyda yangi shaharcha qurilishiga tamal toshi qo‘yildi
![](https://storage.kun.uz/source/thumbnails/_medium/10/UthUziY8FVOqe9iDF1CmQJRHDubTs4fy_medium.jpg)
16:28 / 18.08.2024
Samarqandda Janubiy kon boshqarmasi mutasaddisi fuqarolarni ishga kiritish uchun 5 ming dollar olganda ushlandi
![](https://storage.kun.uz/source/thumbnails/_medium/10/ySuwGmUTLDlxSfeHpj0Bidq__37n1-mh_medium.jpg)
09:43 / 11.08.2024