JCh-2022. Polsha Saudiya Arabistonini mag‘lub etdi, Levandovskidan turnirdagi ilk gol va assist

Birinchi turda Argentinadan ustun kelib sensatsiya qayd etgan saudlar polyaklarga qarshi o‘yinda ham o‘yin jihatdan raqibidan kam emasligini ko‘rsatgan bo‘lsa-da, yakunda mag‘lubiyatga uchradi. 

Zelinski birinchi bo‘limda Levandovskining assistidan keyin hisobni ochgan bo‘lsa, 2-bo‘limda Levandovskining o‘zi himoyadagi xatoni gol bilan jazolab, turnirdagi ilk golini kiritdi – 2:0.

Qayd etish joiz, saudiyaliklar birinchi bo‘lim yakunida 11 metrlik jarima zarbasini golga aylantira olishmadi. Ad-Dovsarining zarbasini Shchensni qaytarib qoldi.

Shu tariqa, Polsha 4 ochko bilan guruh peshqadamiga aylanib oldi, Saudiya hozircha 3 ochko bilan 2-o‘rinda bormoqda. Guruhdagi ikkinchi uchrashuv Argentina va Meksika o‘rtasida (23:59) bo‘lib o‘tadi.

JCh-2022. S guruhi. 2-tur
Polsha – Saudiya Arabistoni 2:0
Gollar: 1:0 – 39 Zelinski, 2:0 – 82 Levandovski.
Polsha – Shchensni, Kesh, Glik, Kiver, Bereshinski, Zelinski (Kaminski, 63), Frankovski, Krixovyak, Belik, Levandovski, Milik (Pentek, 71).
Saudiya Arabistoni – Al-Ovays, Abdulhamid, Al-Bulayxi, Al-Amri, Al-Bureyk (Al-G‘anam, 65), Ad-Dovsari, Kanno, Al-Malki (Al-Obod, 85), An-Naji (Al-Obid, 46), Al-Bureykan, Ash-Shahri (Ad-Dovsari, 86).