23:40 / 28.11.2022
31690
Қозоғистон президенти Россия ва Ўзбекистон билан уч томонлама иттифоқ тузиш ғояси ҳақида гапирди 

Таклиф Россия президенти Владимир Путин томонидан берилган, Қосим-Жўмарт Тўқаев уни қўллаб-қувватлашини айтди. 

Владимир Путин ва Қосим-Жўмарт Тўқаев / Фото: wikimedia

Қозоғистон президенти Қосим-Жўмарт Тўқаев Россия президенти Владимир Путиннинг Россия, Қозоғистон ва Ўзбекистоннинг ўзига хос уч томонлама иттифоқини ташкил этиш, шу жумладан, газ соҳасидаги муаммоларни ҳал қилиш бўйича таклифини қўллаб-қувватлашини билдирди. 

«Ҳа, қўшимча мувофиқлаштиришни ва ҳатто музокараларни талаб қиладиган масалалар бор. Хусусан, гап газ сектори ҳақида кетяпти. Лекин биз қандайдир масалани драмалаштирмаяпмиз. Мен Владимир Владимировичга шундай масалалар борлигини айтдим, улар муҳокама талаб қилади, лекин мутлақо драматизацияни эмас. Бу иш юзасидан бўладиган масалалар», деди Тўқаев. 

Қозоғистон президенти бу сўзларни Кремлда, Россия-Қозоғистон музокараларидан кейин Россия бош вазири Михаил Мишустин билан бўлиб ўтган учрашувда айтган. Унинг сўзларини Interfax келтирмоқда.

Тўқаев «тегишли келишувларга эришамиз» деб ишонч билдирди. «Бундан ташқари, бугун Владимир Владимирович қандайдир уч томонлама иттифоқ тузишимиз кераклигини айтди ва у Ўзбекистон президентига қўнғироқ қилмоқчи», — деди Тўқаев. 

Унинг қўшимча қилишича: «Керакли натижа ва келишувга эришиш учун биз ҳам бу масала моҳиятини тушуниб олишимиз керак, ҳар ҳолда ўзим ҳам. Мутахассисларимизни айтмасаям бўлади. Нега энди йўқ бўлиши керак?» деб хулоса қилди Қозоғистон раҳбари. 

Top