Rossiyada ikki ayolni o‘ldirishda gumonlanayotgan o‘zbekistonlik migrant qidiruvga berildi

Shov-shuvli qotillik bo‘yicha jinoyat ishi ochilgan.

Foto: Timofey Kalmakov

Rossiyaning Krasnoyarsk o‘lkasi, Voljskiy qishlog‘ida ikki ayol shafqatsizlarcha o‘ldirilib ketildi.

26 dekabr kuni xususiy turar joy binosida qotillik alomatlari bo‘lgan 74 yoshli ayol va uning 47 yoshli qizining jasadi topilgan. Tergov ma’lumotlariga ko‘ra, qotillik g‘arazgo‘ylik maqsadida sodir etilgan va jinoiy ish qo‘zg‘atilgan. Ayollarni o‘ldirganlikda o‘zbekistonlik migrant gumon qilinmoqda.

Xavfsizlik kuchlari jinoyat sodir etishda gumon qilinuvchi shaxsni aniqlash va ushlashga qaratilgan protsessual harakatlar va tezkor tadbirlarni amalga oshirmoqda.

Rossiya Federatsiyasi Tergov qo‘mitasi raisi Aleksandr Bastrikin jinoyat ishi tergovini shaxsan nazoratiga olgan.