Meksika shimolidagi qamoqxonaga hujum oqibatida 14 kishi halok bo‘ldi

1 yanvar, yakshanba kuni Meksikaning Syudad-Xuares shahridagi qamoqxonaga uyushtirilgan hujumda kamida 14 kishi – o‘n nafar xavfsizlik xizmati xodimi va to‘rt nafar mahbus halok bo‘ldi. Yana 13 kishi jarohatlangan, deya xabar beradi mahalliy prokuratura vakillari.

Bosqinda zirhli transport vositalaridagi qurollangan odamlar ishtirok etdi va hujum paytida mushtlashuv kelib chiqqan qamoqxonadagi vaziyat faqat besh soatdan keyin nazoratga olindi. To‘qnashuvlar vaqtida 24 mahbus jazoni o‘tash muassasasidan qochib ketgan.

Qamoqxonaga hujumdan sal avval yaqin atrofdagi politsiya bo‘limiga hujum qilingani ma’lum bo‘ldi. Mashinani ta’qib qilish amalga oshirilganidan so‘ng to‘rt kishi qo‘lga olindi va ularning yo‘ltanlamaslari musodara qilindi. Rasmiylarga ko‘ra, yana ikki qurollangan odam keyinroq shaharning boshqa hududida huquq-tartibot xodimlariga tahdid qilgani tufayli mashinada otib o‘ldirilgan. Prokurorlar uchta hodisaning o‘zaro aloqadorligiga aniqlik kiritmadi.

Meksika va AQSh chegarasi yaqinidagi Chixuahua shtatida joylashgan Syudad-Xuares huquq-tartibot idoralari xodimlari va o‘zaro raqib bo‘lgan «Sinaloa» hamda «Xuares» narkokartellari o‘rtasidagi to‘qnashuv joyiga aylandi. Dunyodagi eng ko‘p qotillik sodir bo‘lgan shaharlar ro‘yxatida Syudad-Xuares, so‘nggi ma’lumotlarga ko‘ra, yiliga 100 000 aholiga 85 ta epizod bilan beshinchi o‘rinni egallaydi. 2010-yillarning oxirida u sayyoradagi eng xavfli shahar edi.

Qamoqxonaning o‘zida ham bir necha bor to‘qnashuvlar sodir bo‘lgan. Avgust oyida raqib to‘dalar o‘rtasidagi to‘qnashuvda u yerda bir necha mahbus halok bo‘lgan. 

2022 yilning yozida mamlakatning sobiq bosh prokurori Xesus Murilo Karam Meksikada hibsga olindi - u odamlarning g‘oyib bo‘lishi, qiynoqlar va odil sudlovga qarshi jinoyatlarga aloqadorlikda gumon qilinmoqda. Karam 2014 yilda 40 dan ortiq meksikalik talabalarning g‘oyib bo‘lishi bo‘yicha birinchi tergovni boshqargan. Keyinroq mamlakat rasmiylari jasadlar topilmagan bo‘lsa-da, ularni o‘lgan deb e’lon qildi. 

Bundan tashqari, Meksika OAV xodimlari uchun dunyodagi eng xavfli davlatlardan biri hisoblanadi. Xalqaro jurnalistlar federatsiyasi ma’lumotlariga ko‘ra, 2022 yilda Meksikada 11 nafar ommaviy axborot vositalari xodimi o‘ldirilgan.