Rossiyada Shiveluch vulqoni uyg‘ondi 

Rossiya Favqulodda vaziyatlar vazirligi Kamchatka o‘lkasi bo‘yicha bosh boshqarmasi xabariga ko‘ra, vulqondan otilib chiqayotgan kul ustuni dengiz sathidan 7,5 km masofaga ko‘tarilgan. 

«Kul ustuni janubi-g‘arbiy yo‘nalishda tarqalmoqda. Uning yo‘lida aholi yashash punktlari yo‘q. Ust-Kamchatskiy tumani aholi punktlarida kul yog‘ilishi qayd etilmagan. Vulqon hududida sayyohlik guruhlari yo‘q», deyiladi xabarda. 

Vulqonga yaqin hududlarda aviatsiya xavfsizligi bilan bog‘liq jigarrang rejim e’lon qilingan. 

Shiveluch — Kamchatkadagi eng shimoliy faol vulqon bo‘lib, Ust-Kamchatskiy tumanidagi Klyuchi qishlog‘idan 45 km uzoqlikda joylashgan. U yerda 5 mingga yaqin aholi yashaydi. 

Bu Kamchatkadagi eng katta vulqonlardan biri. Shiveluch 2009 yil may oyida faollashgan edi. Vulqonning so‘nggi marta otilishi 2017 yilda kuzatildi.