Qozog‘iston Rossiya va O‘zbekiston bilan gaz ittifoqini tuzish bo‘yicha taklif olmadi 

Qozog‘istonga Rossiya va O‘zbekiston bilan «uchtomonlama gaz ittifoqi» tashkil etish bo‘yicha rasmiy taklif kelib tushmadi, dedi Qozog‘iston bosh vaziri Alixon Smailov. Uning aniqlik kiritishicha, hozir Qozog‘iston Rossiya bilan gaz sohasida hamkorlik bo‘yicha muzokaralar olib bormoqda. 

«Ayni paytda biz «uchtomonlama gaz ittifoqi»ni tashkil etish bo‘yicha rasmiy takliflarni olmadik. Qachon olsak, shunda ko‘rib chiqamiz», deb Smailov so‘zlarini keltirdi TASS. 

Uning ta’kidlashicha, yaqin orada «Gazprom» bilan yana bir muzokaralar rejalashtirilgan. «Bu munosabatlarning barchasi tijorat va o‘zaro manfaatli asosda quriladi», dedi Qozog‘iston bosh vaziri. 

«Uchtomonlama gaz ittifoqini» tashkil etish masalasi 2022 yil noyabrida Rossiya va Qozog‘iston prezidentlari Vladimir Putin va Qosim-Jo‘mart To‘qayev o‘rtasidagi uchrashuvda muhokama qilingan edi. 8 dekabr kuni O‘zbekiston energetika vaziri Jo‘rabek Mirzamahmudov mamlakat gazni tijorat shartnomalari asosida import qilishni rejalashtirayotganini, buning uchun «qandaydir alyans yoki ittifoqda» ishtirok etish shart emasligini aytdi.