Yevroittifoq Rossiyaning neft mahsulotlari narxi chegarasini tasdiqladi 

Yevropa Ittifoqi Kengashi (YeK) Rossiyadan keladigan neft mahsulotlari narxining yuqori chegarasini rasman tasdiqladi. 

Benzin va dizel yoqilg‘isi uchun eng yuqori narx bir barrel uchun 100 dollar, chegirma bilan sotiladigan mahsulotlar uchun esa 45 dollar etib tasdiqlandi. Bu haqda YeI kengashi press-relizida ma’lum qilindi. 

Cheklovlar 5 fevraldan kuchga kiradi. Ushbu muddatdan oldin sotib olingan va yuklangan Rossiya neft mahsulotlarini tashuvchi kemalar uchun 55 kunlik o‘tish davri belgilanadi. Bundan tashqari, Yevropa Ittifoqi Kengashi mart oyining o‘rtalaridan boshlab xom neft narxini cheklash mexanizmini qayta ko‘rib chiqishni rejalashtirmoqda. Ushbu cheklovni har ikki oyda muntazam ravishda ko‘rib chiqish rejalashtirilgan. 

Shunga o‘xshash cheklovlar ertadan boshlab Qo‘shma Shtatlar tomonidan joriy etiladi. Avvalroq, G7 davlatlari va Avstraliya rasmiylari xuddi shu chora haqida kelishib olgan edi. Ularning barchasi bir barrel uchun 100 dollar va 45 dollar narx chegaralarini joriy qiladi. Bundan tashqari, 5 fevraldan YeI ham Rossiya neft mahsulotlariga embargo joriy qilishni rejalashtirgan.