Фото: Президент матбуот хизмати
Ўзбекистон президенти Шавкат Мирзиёев Озарбойжон президенти Илҳом Алиевнинг таклифига биноан 1 март куни амалий ташриф билан Боку шаҳрига келди.
Ҳайдар Алиев номидаги халқаро аэропортда давлатимиз раҳбарини Озарбойжон Бош вазирининг биринчи ўринбосари Яқуб Аюбов ва бошқа расмий шахслар кутиб олди.
Бугун, 1 март куни Ўзбекистон ва Озарбойжон президентларининг учрашуви бўлиб ўтади, унда етакчилар аввал эришилган келишувларни амалга ошириш масалаларини муҳокама қилади.
2 март куни Бокуда энг йирик халқаро тузилмалардан бири - Қўшилмаслик ҳаракати саммити бўлиб ўтади. Тадбирнинг ялпи сессиясида Ўзбекистон президенти нутқ сўзлайди.
