Toshkentda 7-qavatdan o‘zini tashlab yuborgan rossiyalik erkak halok bo‘ldi
Bu O‘zbekiston poytaxtida bir hafta ichida kuzatilgan va Rossiya fuqarosining o‘limi bilan tugagan ikkinchi holat hisoblanadi.
![](https://storage.kun.uz/source/9/Sy7STMq-8EOZ7EjcnlDzZLe5su20f7qT.jpg)
Foto: Videodan kadr
13 mart kuni Telegramʼda Mirobod tumanida noma’lum erkak ko‘p qavatli binodan tushib ketib, yerda harakatsiz yotgani aks etgan video tarqaldi.
Qayd etilishicha, hodisa 18:30 da sodir bo‘lgan.
27 yashar erkak poytaxtning Mirobod tumani Buyuk Turon ko‘chasidagi 75-uyning yettinchi qavatidagi xonadondan o‘zini pastga tashlagan. U olgan jarohatlari oqibatida voqea joyida jon bergan.
Bosh prokuratura bayonotida marhumning Rossiya Federatsiyasi fuqarosi ekani ta’kidlanadi.
«Tekshirish doirasida sud-tibbiy ekspertizasi tayinlangan. Shuningdek, sodir bo‘lgan hodisaning sabablari aniqlanmoqda», deyiladi O‘zbekiston bosh prokurorining matbuot kotibi Hayot Shamsuddinov tomonidan e’lon qilingan bayonotda.
8 mart kuni 37 yashar rossiyalik jurnalist, «Byulleten kinoprokatchika» nashri bosh muharriri Aleksandr Nechayev Toshkentdagi kvartirasida jonsiz holda topilgandi. O‘zbekistonga bir necha oy oldin kelgan erkakning o‘limi sababini aniqlash uchun sud-tibbiy ekspertizasi tayinlangandi.
O‘zbekiston bosh prokuraturasiga ko‘ra, marhumning tanasida jarohatlar aniqlanmagan. Shuningdek, u qotillik qurboni bo‘lgani istisno etildi. Sud-tibbiyot ekspertizasining dastlabki xulosasiga ko‘ra, jurnalistning o‘limi «surunkali yurak-o‘pka yetishmovchiligi, yurakning surunkali ishemik kasalligi»dan kelib chiqqan.
Mavzuga oid
![](https://storage.kun.uz/source/thumbnails/_medium/10/4FGjvgd87v8wCjVMV0oKLVIEUeywcFXh_medium.jpg)
10:51 / 17.07.2024
“Buni qamamaymiz” – JIB Mirobod tuman sudida sud boshlanmay uning yakuni ma’lum qilib qo‘yildi
![](https://storage.kun.uz/source/thumbnails/_medium/10/i2tczbtdKvm_tW013VOOkrVUtHJtP2mk_medium.jpg)
13:28 / 13.07.2024
Miroboddagi Taras Shevchenko ko‘chasi gastronomik ko‘chaga aylantiriladi
![](https://storage.kun.uz/source/thumbnails/_medium/10/UxceCLuTs4uZbRCdksRnXvqYvYK9U8jN_medium.jpg)
21:13 / 05.03.2024
Avtotransport vositalarini diagnostika qilish bo‘yicha zamonaviy markaz ishga tushdi
![](https://storage.kun.uz/source/thumbnails/_medium/10/2_TzSL1gEy476qfD8kCsCjAi9DmD7Jk__medium.png)
19:12 / 26.02.2024