Rostovdagi FXX binosida kuchli yong‘in chiqdi. Bir kishi halok bo‘ldi
Rossiyaning Rostov oblastidagi FXX chegara boshqarmasi binosida yong‘in sodir bo‘ldi. Favqulodda vaziyatlarga ko‘ra, bir kishi halok bo‘lgan, yana ikki kishi yaralangan.
![](https://storage.kun.uz/source/9/Ez6OdWIHczvjlKEJuNBPrAr2PyJ8dIcy.jpg)
Foto: ERIK ROMANENKO/TASS
Rostov oblasti gubernatori Vasiliy Golubevning so‘zlariga ko‘ra, «Rostov oblastidagi Rossiya FXX (FSB) chegara qo‘shini boshqarmasi xo‘jalik xonalari»da yong‘in sodir bo‘lgani haqidagi signal soat 12:25 da olingan.
Golubevning ta’kidlashicha, hodisaga bino ichidagi elektr simlarining qisqa tutashuvi sabab bo‘lgan. «Yong‘in kengayib borayotgani yoqilg‘i-moylash materiallari solingan konteynerlarning portlashiga sabab bo‘ldi. Yong‘in 800 kvadrat metr maydonga tarqaldi, natijada ikkita devor qulab tushdi», deb yozdi gubernator.
FXX «Rostov-na-Donu shahridagi FXX chegara qo‘shini garajida sodir bo‘lgan portlash yoqilg‘i-moylash materiallari alangalanishi natijasida sodir bo‘ldi», deb da’vo qilmoqda. Hodisa oqibatida «jabrlanganlar bor», deb ma’lumot berdi xavfsizlik xizmati.
161.RU nashri huquq-tartibot tuzilmalaridagi manbaga tayanib, garajda o‘q-dorilar portlagani haqida xabar berdi. Manbaga ko‘ra, shundan keyingina yong‘in yoqilg‘iga o‘tgan.
TASS xabariga ko‘ra, bir kishi halok bo‘lgan, yana ikki kishi jarohatlangan. Gubernator Golubevning yozishicha, «bir jabrlanuvchi o‘rtacha og‘irlikda shifoxonaga yotqizilgan». Yong‘inga ikkinchi murakkablik darajasi berildi, qo‘shni uylardan biri va yaqin atrofdagi talabalar turar joyi evakuatsiya qilindi.
![](https://storage.kun.uz/source/9/O7Y6mSfKqSFYy4xUAJjhVRtWdyta-CkV.jpg)
Voqea guvohlaridan birining aytishicha, mahalliy vaqt bilan soat 16:00 da yong‘in mahalliylashtirilgan (buni FVV ham tasdiqlagan), ammo hali o‘chirilmagan. Voqea joyiga yaqinlashish va kirish yo‘llari to‘silgan, politsiya mashinalari bor. Olomon endi tarqalmoqda: kordon saqlanib qolgan, ammo politsiyachilar unchalik ko‘p emas.
Yong‘in yaqinida yashovchi yoki ishlayotgan yana bir necha kishining aytishicha, ish kuni o‘rtasida to‘satdan qattiq portlash ovozi eshitilgan, uylarning derazalari silkingan. Keyin yana bir necha portlash yuz bergan, ammo sekinroq va zaifroq.
Yana bir guvohning aytishicha, portlashdan bir necha daqiqa o‘tgach, u hovlisiga yugurib chiqqan. Uning so‘zlariga ko‘ra, oldin sukunat cho‘kkan, keyin portlash sodir bo‘lgan, tutun ko‘tarilgan. U panjara tomon yugurgan va devorning kichik bir qismi vayron bo‘lganini ko‘rgan.
Guvohlardan biri yongan ikki qavatli binoni unchalik katta emas, deb ta’riflaydi. U xo‘jalik binosi, omborxona, garaj, ustaxona yoki oshxona bo‘lishi mumkinligini taxmin qiladi. Uning so‘zlariga ko‘ra, yong‘in sodir bo‘lgan bino ham, chegara qo‘shinlari binosi ham mohiyatan uylar bilan o‘ralgan. Yong‘in chiqqan ikki qavatli binoni xususiy sektordan panjara va tom ma’noda 20-30 metr masofa ajratib turadi.
![](https://storage.kun.uz/source/9/vhVVqvbZw2w2bg1uI9QJ5_5ekAuMzlEh.jpg)
Shu sababli, guvohlar orasida snaryad haqidagi versiya savollar tug‘diradi.
FXX Rostov oblastidagi chegara boshqarmasi Ukraina bilan chegarani qo‘riqlash vazifasini bajaradi.
Rossiya ommaviy axborot vositalari Rostovdagi yong‘in va Ukrainaga bostirib kirish o‘rtasidagi bog‘liqlik haqidagi versiyalarni ilgari surmayapti.
Shunga qaramay, Ukraina prezidenti devoni rahbari maslahatchisi Mixaylo Podolyak voqea yuzasidan izoh berishni zarur deb hisobladi.
«Rossiyada, ayniqsa Rostov oblastida FXXning har qanday yonayotgan yoki portlagan binosi vahima namoyon bo‘lishi va hokimiyat tomonidan vaziyat ustidan nazoratning zaiflashishini aniq ko‘rsatmoqda. Ukraina bunga aralashmaydi», deb yozdi u ijtimoiy tarmoqda.
Mavzuga oid
![](https://storage.kun.uz/source/thumbnails/_medium/10/Q0f8pILl8fO1vRQDZgZOhB85alOi9VpO_medium.jpg)
13:35 / 22.08.2024
Rostov oblastida dronlar hujumiga uchragan neft bazadagi yong‘in beshinchi kunda ham davom etmoqda
![](https://storage.kun.uz/source/thumbnails/_medium/10/fXcKwfI1xVKlJhDtCDBjWOz0cMmHW4Fg_medium.jpg)
21:10 / 05.04.2024
Rostov yaqinidagi aerodromga dronlar hujum qildi. Ukraina bir qancha samolyot yo‘q qilinganini aytmoqda
![](https://storage.kun.uz/source/thumbnails/_medium/8/Smh9ChjUZoxIvYCtjHPWATi11fi1AdLL_medium.jpg)
19:40 / 22.06.2022
Rostovdagi neftni qayta ishlash zavodida yong‘in ro‘y berdi. Unga dronlar bilan hujum qilingan
![](https://storage.kun.uz/source/thumbnails/_medium/8/iuQJXpI2eaBj90W7Z8eP8KcKG-jjEDoY_medium.jpg)
15:56 / 21.03.2022