O‘zbekiston | 09:56 / 17.03.2023
5370
1 daqiqa o‘qiladi

ITB Qoraqalpog‘istonda qishloq hududlarini rivojlantirish uchun 200 mln dollar ajratdi 

Islom taraqqiyot bankining O‘zbekistondagi monitoring missiyasi doirasida ITB delegatsiyasi rahbari Vaxyu Vijayantoning Qoraqalpog‘iston Respublikasi Vazirlar Kengashi Raisi Farhod Ermanov, Iqtisodiyot va Moliya vazirligining Loyihani amalga oshirish guruhi va BMT Taraqqiyot Dasturi vakillari bilan uchrashuvi bo‘lib o‘tdi.

Foto: UNDP Uzbekistan

Uchrashuv davomida tomonlar Qoraqalpog‘istonning maqsadli hududlarida «Qishloq joylarni barqaror rivojlantirish» loyihasining borishi va loyiha tashabbuslarini amalga oshirishdagi muammolarni muhokama qildilar.

Mazkur loyihadan ko‘zlangan asosiy maqsad mahalliy aholining faol ishtiroki orqali qishloq hududlarini rivojlantirishdan iborat. Loyihani amalga oshirish uchun ITB jami 200 million dollar ajratdi.

Bugungi kunga qadar loyiha 113 ta qishloqni rivojlantirish rejalarini ishlab chiqdi. Ulardan 31 tasi Qoraqalpog‘istonning 5 ta tumanidagi 160 ta ijtimoiy infratuzilma obektlarini yaxshilashga qaratilgan.

Mavzuga oid