GFR adliya vaziri: Putin Germaniyaga kelsa hibsga olinadi

Rossiya prezidenti Vladimir Putin Germaniya tuprog‘iga qadam qo‘ysa, Xalqaro jinoiy sud talabiga ko‘ra hukumat tomonidan hibsga olinadi. Bu haqda mamlakat adliya vaziri Marko Bushman Bild am Sonntag nashriga bergan intervyusida ma’lum qildi.

«Bu holda XJS tezda Interpolga murojaat qiladi, shuningdek a’zo mamlakatlardan [order] ijrosini amalga oshirishni so‘raydi. Shunga ko‘ra, agar Germaniya hududiga kirsa, Germaniya prezident Putinni hibsga olishga va XJSga topshirishga majbur bo‘ladi», — degan GFR adliya vaziri.

Die Zeit nashri qayd etishicha, XJS yurisdiksiyasiga bo‘ysunadigan barcha mamlakatlar uning qaroriga muvofiq yo‘l tutishi kerak bo‘ladi.

OAV Bushmanning so‘zlariga e’tibor qaratganidan keyin RF Tergov qo‘mitasi rahbari Aleksandr Bastrikin vazirning bayonotiga «huquqiy baho» berish bo‘yicha topshiriq berdi.

Ukraina prezidenti ofisi rahbari maslahatchisi Mixaylo Podolyak ham bunga munosabat bildirib, «birinchi bo‘lib aynan Germaniya bunga qattiq urg‘u berishi ramziy ma’noga egaligi»ni ta’kidlagan. 

 ukrainalik bolalarga nisbatan ommaviy o‘g‘irlash va tajovuzkor zo‘ravonlikni uyushtirgani uchun darhol hibsga olinadi», — degan u.

• 17 mart kuni Haagadagi Xalqaro jinoiy sudi Rossiya prezidenti Vladimir Putinni hibsga olishga order berdi. Uni Ukrainaning bosib olingan hududidagi bolalarni zo‘ravonlik bilan Rossiya hududiga noqonuniy deportatsiya qilishda gumonlashmoqda. Shu kabi order RF bolalar ombudsmani Mariya Lvova-Belovani qo‘lga olish uchun ham berilgan.
• Kremldagilar XJSning qaroriga javoban Rossiya ushbu sud yurisdiksiyasini tan olmasligini bildirdi. RF TIV order Rossiya uchun «hech qanday ahamiyatga ega emasligi»ni ma’lum qilgan. Putinning o‘zi sud qaroriga hech qanday munosabat bildirmadi.