Erdo‘g‘an Turkiya prezidentligiga nomzod sifatida ko‘rsatildi
Prezidentlik saylovi 14 may kuni o‘tkaziladi.
![](https://storage.kun.uz/source/9/FZtl69p2Aoz2l8NEJXMGQO7KGf4UY4zK.jpg)
Foto: Anadolu Agency
Turkiya prezidenti Rajab Toyyib Erdo‘g‘an 21 mart kuni «Respublika alyansi»dan prezidentlik saylovida yagona nomzod sifatida rasman ko‘rsatildi. Bu haqda Anadolu xabar berdi.
Tegishli ariza Oliy Saylov Kengashiga (YSK) hukmron «Adolat va Taraqqiyot» partiyasi (ATP) va uning alyansdagi ittifoqdoshi Millatchilar harakati partiyasi (MHP) tomonidan taqdim etildi.
Oldin e’lon qilingan saylov taqvimiga ko‘ra, Turkiya prezidentligiga nomzodlarning arizalari YSK tomonidan 19-23 mart kunlari qabul qilinadi. Amaldagi parlamentda partiyalari bo‘lmagan nomzodlar 22-27 mart kunlari 100 ming saylovchi imzosini to‘plashi kerak.
31 mart kuni YSK prezidentlikka nomzodlarning yakuniy ro‘yxatini e’lon qiladi va saylov kampaniyasini boshlaydi.
Turkiyada 14 may kuni umumxalq saylovlari – ham prezident, ham parlament saylovlari bo‘lib o‘tadi. Prezidentlik saylovining ikkinchi bosqichi, agar zarurat tug‘ilsa, 28 may kuni o‘tkaziladi.
Erdo‘g‘anga bo‘lajak saylovda Turkiyaning «Millatlar alyansi» va Respublikachilar partiyasidan yagona nomzod Kamol Qilichdoro‘g‘li asosiy raqib bo‘lishi kutilmoqda.
Mavzuga oid
![](https://storage.kun.uz/source/thumbnails/_medium/10/pewy6bQJIAkkhS4pm8KHNUA8-4uC4g83_medium.jpg)
17:58 / 07.09.2024
Turkiya va Misrning yarashuvi: ular nega arazlashgan edi?
![](https://storage.kun.uz/source/thumbnails/_medium/10/5PQbrSeog4MmlaFSNOQ23DUQSXfLMs9w_medium.jpg)
14:14 / 07.09.2024
Firibgarlikda ayblanib qidiruvda bo‘lgan o‘zbekistonlik ayol Istanbuldan deport qilindi
![](https://storage.kun.uz/source/thumbnails/_medium/10/UiJF2zJju8_0uLMDefYTL4QZ_Eo5dl9a_medium.jpg)
08:40 / 07.09.2024
Turkiyaga ketib, bedarak yo‘qolgan o‘zbekistonlik yigit qidirilmoqda
![](https://storage.kun.uz/source/thumbnails/_medium/10/bJdlb_Q3SZN37DbqFXx3EYwF9AYQCiKg_medium.jpg)
09:10 / 04.09.2024