“Medallar taqishni orzu qilgandim, ammo ularning o‘rniga kishan taqishdi” - surxondaryolik ekolog olima
Surxondaryo viloyatida “Konstitutsiya o‘zimizniki” targ‘ibot tadbiri o‘tkazildi. Unda tadbirkorlar, shifokorlar va turli soha vakillari o‘z hikoyalari bilan yig‘ilganlar oldida chiqish qildi. Xususan, Tabiat resurslari vazirligi Surxondaryo viloyati boshqarmasiga rahbarlik qilib kelayotgan Ro‘zigul Safarova shunday dedi:
“9 yil davomida tabiatni asrash uchun kunni tunga ulab, issiq-sovuq demay ishladim. O‘sha vaqtlarda ko‘kragimga medallar taqishni orzu qilgandim, ammo ularning o‘rniga qo‘limga kishan taqildi. 3 yil-u 4 oy deganda ota-onam, farzandlarim bag‘riga qaytib keldim.
Qamalgan, sudlangan degan tamg‘a peshonamda bo‘lsa ham oqlanib, yana o‘zimning sevgan kasbimda qayta ishlashimni kim o‘ylabdi deysiz. Buni kimdir tushida ko‘rsa ham ishonmaydi. Shunday sharoitlarga erishishimga sabab nima? Yangi O‘zbekistonda yangi hayotning bo‘lishi”.
Qayd etish joiz, Ro‘zigul Safarova tabiat muhofazasi tizimida viloyat miqyosidagi yagona rahbar ayol hisoblanadi. Avvalroq Kun.uz u bilan intervyu tashkil etgandi.
Eslatib o‘tamiz, avvalroq bunday targ‘ibot tadbirlarining Farg‘ona, Andijon, Sirdaryo va Buxoro viloyatlarida o‘tkazilgani haqida xabar berilgandi.
Mavzuga oid
![](https://storage.kun.uz/source/thumbnails/_medium/10/yh9oPqpRQk9bt-gGwGBAtC1z0vWX7unZ_medium.jpg)
21:06 / 26.07.2024
Sariqamish ko‘lining maydoni olti yil ichida 170 kvadrat kilometrga qisqardi
![](https://storage.kun.uz/source/thumbnails/_medium/10/saCnDasSfTL8wGaYlrbmXhlqbmfcCc13_medium.jpg)
20:12 / 26.07.2024
Ekologiya vazirligiga qo‘shimcha vakolatlar berildi
![](https://storage.kun.uz/source/thumbnails/_medium/10/yzz8tqXkJga21tHr6u-hpAq5zBeTfKO8_medium.jpg)
19:41 / 26.07.2024
Ov qilishga faqat ovchilik xo‘jaliklari hududida ruxsat beriladi
![](https://storage.kun.uz/source/thumbnails/_medium/10/dmJF_VOVvhFc8w4xWDAViaQGtxWqns3w_medium.jpg)
18:30 / 25.07.2024