Samsung Z harfidek buklanadigan smartfonni taqdim qiladi

Yangi smartfon taqdimoti 2023 yil avgust oyida bo‘lib o‘tishi kutilmoqda.

Foto: Samsung

Samsung kompaniyasi Galaxy Z Fold5 va Z Flip5 bilan bir qatorda Z harfiga o‘xshab buklanadigan smartfonini chiqarishi mumkin. Bu haqda insayder Yogesh Brar ijtimoiy tarmoqda ma’lum qildi.

Kompaniya bir necha bor bunday qurilmalarning ikkita ilgakli prototiplarini namoyish etgan. Bu texnologiya ilgak halqalaridan biri ekranni ichkariga, ikkinchisini esa tashqariga egish imkonini berishini anglatadi. Natijada telefon qisman egilganida o‘ziga xos Z shakli paydo bo‘ladi.

Tashqi ilmoq Galaxy Z Fold4 kabi tashqi displeyga ehtiyoj sezmasdan, buklanadigan ekranning bir qismini smartfon displeyi sifatida ishlatish imkonini beradi.

Insayder, shuningdek, Samsung kompaniyasi Galaxy S23 FE flagmanining budjet versiyasini chiqarmasligini ma’lum qildi.

Galaxy Z Fold5, Z Flip5 va yangi buklanuvchi smartfonning taqdimoti 2023 yil avgust oyida bo‘lib o‘tishi kutilmoqda.

#Samsung #texnologiyalar