Ozarboyjon prezidenti birinchi turk elektromobilini qabul qilib oldi

Turkiya prezidenti Rajab Toyyib Erdo‘g‘an bu elektromobil O‘zbekiston prezidenti Shavkat Mirziyoyevga ham sovg‘a qilinishini aytgan edi.

Foto: AP

4 aprel kuni Ozarboyjon prezidenti Ilhom Aliyevga Turkiyada ishlab chiqarilgan elektromobil – Togg sovg‘a qilindi. Bu haqda Anadolu xabar berdi.

Avvalroq, Turkiya prezidenti Rajab Toyyib Erdo‘g‘an Togg elektromobili Ilhom Aliyevga sovg‘a qilinishini aytgan edi.

«Mening birodarim Ilhom Aliyev ham Turkiyaning faxri – Togg elektromobilini qabul qilib oldi. Birodarimga yaxshi kunlarida mashinadan foydalanishini tilayman», deb yozdi Erdo‘g‘an ijtimoiy tarmoqda.

3 aprel kuni Togg T10X seriyali birinchi elektromobil Turkiya rahbariga topshirilgan edi.

Shundan so‘ng, Erdo‘g‘an ushbu elektromobil Ozarboyjon prezidenti Ilhom Aliyevga va O‘zbekiston prezidenti Shavkat Mirziyoyevga ham sovg‘a qilinishini aytgan edi.