Duda: yaqinda Ukraina va Polsha o‘rtasida chegara qolmaydi
Bu Ukraina Yevropa Ittifoqi a’zosi bo‘lganidan keyin yuz beradi.
Polsha prezidenti Anjyey Duda yaqin orada Ukraina va Polsha o‘rtasida chegara qolmasligiga ishonch bildirdi. Uning so‘zlarini RIA Novosti keltirmoqda.
«Umid qilamanki, urushdan keyin Polsha va Ukraina o‘rtasida jismoniy chegara qolmaydi», dedi Polsha rahbari Polsha-Ukraina iqtisodiy forumida.
Dudaning qayd etishicha, bu Ukraina Yevropa Ittifoqi a’zosi bo‘lganidan keyin yuz beradi.
«Odamlar Ukrainadan Polshaga borganida, bu chegara bir paytlar qayerda bo‘lganini umuman bilmaydilar», dedi u.
Eslatib o‘tamiz, avvalroq Ukraina prezidenti Volodimir Zelenskiy Duda bilan bo‘lib o‘tgan matbuot anjumanida kelajakda ikki davlat o‘rtasida, jumladan, tarixiy chegaralar ham bo‘lmasligini aytgan edi.
5 aprel kuni Zelenskiy Varshavaga urush boshlanganidan beri ilk marta bordi. Ukraina prezidenti devoni rahbari o‘rinbosari Igor Jovkva ta’kidlaganidek, uning tashrifining asosiy mavzusi Varshavadan Kiyevga harbiy yordam ko‘rsatish masalasini muhokama qilish bo‘ladi.
Mavzuga oid
13:26 / 19.09.2024
«Bu ish bermaydi» - Olaf Shols Ukrainada tinchlikka erishish yo‘llari haqida bayonot berdi
11:40 / 19.09.2024
Germaniya Ukraina harbiylarining davolanishi uchun yana 50 mln yevro ajratadi
20:06 / 18.09.2024
Dronlar Tver oblastiga hujum qildi. U yerda raketa arsenali joylashgan
12:40 / 18.09.2024